شوف أنا لا هـ غشك ولا أنافقك
ولا هـ عمل نفسي إني موافقك
انت بتستهبل مـ الآخر
بتعلق قلبك عـ الفاضي
وتكرر أخطاء الماضي
وبتعمل روحك مش فاكر
مفروض تتعلم من غلطك
وتشوف ان مـ حدش حبك
ولا هـ يحبك ولا اقربلك
فـ الدنيا دي اكتر من ربك
ممكن جواك إنسان طيب
ولطيبتك فيه ناس تشتغلك
أو جايز طالبه معاك تزعل
ومصمم تضحك علي نفسك
يعني أنت سبب تعبك أنت
هـ تركز ولا تفوق امتي
أنا أسف .. عارف انى ضايقتك
ولّا أسف ليه منا أنا هو أنت
ومع نفسي .. مـ ينفعش أجامل
بقلمي الفقير الي الله : #وائل_حلمى
21 جمادي الأول 1435
#يلا_نساعد_بعض_نتوب
ليست هناك تعليقات:
إرسال تعليق